معیاری اردو کی بورڈ لے آؤٹ
کچھ دوستوں کا خیال ہے کہ کوئی معیاری اردو فونیٹک کی بورڈ لے آؤٹ ہونا چاہئے۔ یہ بات تو میں خود کئی سال سے کہتا آ رہا ہوں۔ جس کی ایک چھوٹی سی مثال اردو محفل کے تھریڈ میں دیکھی جا سکتی ہے۔ جہاں تک میری معلومات ہے اس کے مطابق اس وقت جتنے بھی اردو فونیٹک کی بورڈ لے آؤٹ ہیں وہ سب کے سب تقریبا ایک جیسے ہی ہیں۔ بنیادی حرف مکمل طور پر ایک جیسے ہیں۔ معمولی سے فرق یہ ہیں کہ کسی میں کچھ اضافی سہولیات ہیں اور کسی میں نہیں۔ خیر ”پاک اردو انسٹالر“ میں جو فونیٹک کی بورڈ لے آؤٹ شامل کیا گیا ہے اس میں اردو حروف کے علاوہ عربی حروف اور قرآن پاک کے رموزِ اوقاف کی سہولت ہونے کے ساتھ ساتھ واوین(”“)، مکمل اعراب اور دیگر نشانات کی مکمل سہولت دستیاب ہے۔ اس کی بورڈ کا خاکہ ”پاک اردو انسٹالر“ میں بھی شامل کیا گیا ہے تاکہ نئے لوگوں کو آسانی ہو سکے۔ مزید آپ وہ خاکہ نیچے والی تصویر میں دیکھ سکتے ہیں۔

 
پہلے اردو انسٹالر موجود ہیں تو پھر نیا کیوں؟
کچھ دوستوں کا خیال ہے کہ پہلے انسٹالر موجود ہیں تو پھر نیا انسٹالر کیوں بنایا گیا؟ بلکہ پہلے سے بنے ہوئے کو مزید بہتر کرنا چاہیئے تھا۔ ویسے میں ایسی تنقید (جس کے پیچھے نقاد کی اپنی کوئی تحقیق نہ ہو) کا جواب دینے کی بجائے کام کرنے کو ترجیع دیتا ہوں لیکن سوچا چلو کچھ لکھ دیتے ہیں تاکہ تنقید کرنے والے میرے محترم دوستوں کو بھی علم ہو جائے گا اور ساتھ ساتھ دیگر دوستوں کو جنہیں اس انسٹالر ٹیکنالوجی کے بارے میں کچھ خاص نہیں پتہ انہیں بھی تھوڑی بہت بنیادی معلومات مل جائے گی۔

 
سب سے پہلی بات تو یہ کہ میں ذاتی طور پر شروع سے پہیہ ایجاد کرنے کے حق میں نہیں ہوں اور نہ ہی میرے پاس اتنا وقت ہے۔ میرے کچھ بہت ہی قابلِ احترام دوستوں کو علم نہیں کہ ”پاک اردو انسٹالر“ جیسا انسٹالر پہلے موجود نہیں تھا۔ اگر ہوتا تو میں اس پر وقت لگانے کی بجائے کوئی اور تعمیری کام کرنا پسند کرتا۔ ”پاک اردو انسٹالر“ اپنی نوعیت کا پہلا مکمل اردوانسٹالر ہے اور ویسے بھی دوسرے انسٹالر اور اس میں ٹیکنالوجی کے لحاظ سے کافی فرق ہے۔ خیر کچھ دن پہلے انسٹالر کے بارے میں جب کام شروع ہوا تو میری معلومات کے مطابق دو جگہوں یعنی ابوشامل صاحب کے بلاگ اور اردو محفل پر بحث کی گئی۔ ان دونوں لنکس پر واضح طور پر گواہی موجود ہے کہ جو کام مطلوب ہے وہ آج سے پہلے نہیں ہوا بلکہ پہلے جو انسٹالر بنے ہوئے ہیں ان کے بنانے والوں نے خود بحث میں حصہ لیا تھا۔ ڈویلپرز نے جن ٹیکنالوجیز کو استعمال کیا ان کا بھی بتایا اور پھر یہ بھی بتایا کہ اس میں کس حد تک بہتری لائی یا نہیں لائی جا سکتی اور اس بات پر بھی اتفاق ہوا کہ ایک سے زائد اردو انسٹالر ہونے میں بھی کوئی حرج نہیں۔ میرے علم میں تو یہ بات پہلے ہی تھی اور میں اس انسٹالر کو کئی دفعہ استعمال بھی کر چکا تھا لیکن کئی لوگوں کو پہلی دفعہ پتہ چلا کہ نبیل بھائی نے بہت پہلے ونڈوز ایکس پی میں اردو ایکٹیو کرنے کے لئے انسٹالر بنایا تھا لیکن مسئلہ وہی تھا کہ ایک انسٹالر ایسا چاہئے تھا کہ جس واحد انسٹالر سے اردو ایکٹیو، اردو فونٹس اور اردو کی بورڈ لے آؤٹ انسٹال ہو سکیں۔ خیر اب کی بار نبیل بھائی NSIS کو استعمال کرتے ہوئے انسٹالر بنانے کی کوشش میں تھے یا ہیں۔ NSIS کو میں نے آزمایا تھا لیکن میری تھوڑی سی عقل کے مطابق میرے لئے NSIS بہتر نہیں تھا کیونکہ میرے لئے یہ کافی مشکل ثابت ہو رہا تھا اس لئے میں نے NSIS کو سمجھنے کی مزید کوشش ہی نہیں کی تھی۔

نبیل بھائی کے علاوہ عامر شہزاد بھائی نے ونڈوز کی ایک سہولت IExpress کو استعمال کرتے ہوئے Self-Extracting Package بنایا تھا۔ جہاں تک مجھے معلوم ہے اس کے مطابق IExpress خود سے انسٹالر بنانے کی بجائے پہلے سے بنے ہوئے انسٹالر کو ایک ایک کر کے چلاتا ہے۔ عامر شہزاد بھائی نے بھی ایسا ہی کیا کہ فونٹس اور کی بورڈ لے آؤٹ کے پہلے سے بنے ہوئے انسٹالرز کو IExpress میں ایک ساتھ کیا اور ایک نیا Self-Extracting Package تیار کیا۔ یہ سسٹم ونڈوز وسٹا اور سیون میں اردو فونٹس اور اردو کی بورڈ لے آؤٹ کے پہلے سے بنے ہوئے انسٹالر کو چلانے میں تو کامیاب رہا لیکن ونڈوز ایکس پی میں اردو ایکٹیو کرنے والی بات وہیں کی وہیں رہی۔ اس پیکیج میں تیسرا اردو ایکٹیو کرنا والا نبیل بھائی کا انسٹالر شامل تو کیا جاسکتا تھا لیکن پہلی بات تو یہ کہ تین انسٹالر ایک ساتھ چلانے کے لئے Batch فائل بنانے کی ضرورت تھی اور دوسرا تین انسٹالر ایک Self-Extracting Package میں ڈالنے سے انسٹالیشن کے لئے کئی ایک Next, Close اور Finish کرنے کی ضرورت تھی جس سے میری ذاتی رائے کے مطابق کام لمبا اور پیکیج کا سائز بھی بڑا ہو جانا تھا۔
جیسے جیسے میں دوسرے دوستوں کی انسٹالر کے بارے میں اپڈیٹ پڑھتا تو کام روک دیتا کہ شاید یہ بنا لیں تو مجھے محنت نہ کرنی پڑے لیکن جب نبیل بھائی نے کہا کہ ایک سے زیادہ انسٹالر ہونے میں کوئی حرج نہیں تو پھر میں نے دوبارہ کوشش کی۔ اللہ کے فضل سے، نبیل اور عامر شہزاد جیسے دوستوں کے پھیلائے ہوئے علم سے ”پاک اردو انسٹالر“ بنا دیا۔

 
تنقید بہت اچھی چیز ہے اور ضرور ہونی چاہئے لیکن اس صورت میں جب آپ اصلاح کر رہے ہوں۔ کسی چیز کی مکمل معلومات کے بغیر بلاوجہ تنقید آپ کو خود بھی نقصان دیتی ہے اور کئی تعمیری کام متاثر بھی ہو سکتے ہیں۔ اس لئے جس موضوع پر اپنا فلسفہ بیان کرنے جا رہے ہیں پہلے اس موضوع پر عبور تو حاصل کر لیں یا پھر کم از کم اس کی بنیادی معلومات تو جمع کر لیں۔ دوستو! آپ سب کی تنقید برائے تعمیر سر آنکھوں پر اور ہمیں آپ کی تنقید کی بہت ضرورت ہے لیکن خدا کے لئے تھوڑا سا دھیان رکھیں۔ میری چھوڑیں کیونکہ میں تو آٹے میں نمک کے برابر بھی نہیں لیکن دیگر جو لوگ بغیر کسی لالچ کے صرف اردو کی محبت میں اردو کی ترویج کے لئے کئی طرح کے کام کر رہے ہیں اور دن رات ایک کر دیتے ہیں۔ کم از کم ان کو ایک دوسرے کے مدِمقابل لانے اور لڑانے کی کوشش نہ کریں نہیں تو ایسی تنقید سے آپ تو لطف اندوز ہو جائیں گے لیکن اردو جو پہلے بہت پیچھے ہے اور پیچھے رہ جائے گی۔

میری یہ چھوٹی سی کاوش
میرے دوست غلام عباس کے نام
جس نے مجھے پہلی بار یونیکوڈ اردو کے بارے میں بتایا

اس کتابچہ کا مقصد کمپیوٹر اور انٹرنیٹ پر اردو کی ترویج ہے تاکہ کمپیوٹر اور انٹرنیٹ استعمال کرنے والے لوگ آسانی سے اردولکھ سکیں اور اپنی زبان کی ترقی کے لئے کام کر سکیں۔ اس کتابچہ کی سافٹ کاپی مفت میں دستیاب ہے۔ اگر کوئی چاہے تو اس کتابچہ کی فہرست بمعہ لنک یا ڈاؤن لوڈ لنک اپنی ویب سائیٹ، بلاگ یا فورم پر شائع کر سکتا ہے۔

اس کتابچہ میں کمپیوٹر پر اردو، اردو فونٹ اور اردو کی بورڈ انسٹال کرنے کے علاوہ کمپیوٹر پر اردو لکھنے کے اصول یعنی اردو ٹائیپنگ کے اصول، کمپیوٹر کی اصل اردو اور تصویری اردو میں فرق، اردو حروف کی یونیکوڈ ویلیوز، اردو کی بورڈ لے آؤٹ تیار کرنا اور اردو فونٹ کے متعلق تفصیل سے اور کئی جگہ پر تصاویر کے ساتھ وضاحت کی گئی ہے۔ کتابچہ کے شروع میں عام طور پر ذہن میں پیدا ہونے سوالات کو جوابات کے ساتھ درج کیا گیا ہے۔

میں امید کرتا ہوں کہ اس کتابچہ سے کمپیوٹر اور انٹرنیٹ پر اردو لکھنے کے لئے معلومات کافی لوگوں تک پہنچے گی۔

 
آن لائن پڑھنے کے لئے درج ذیل فہرست دیکھیں۔
 

       •    چند اہم اور ضروری باتیں (اردو اور کمپیوٹر عمومی سوالات)

       •    ونڈوزسیون (7) میں اردو کی انسٹالیشن (Installation)

       •    ونڈوز وسٹا (Vista) میں اردو کی انسٹالیشن (Installation)

       •    ونڈوز ایکس پی (XP) میں اردو کی انسٹالیشن (Installation)

       •    کمپیوٹر پر اردو لکھنے کے اصول

       •    کمپیوٹر کی ”اردو“ اور ”تصویری اردو“ میں فرق

       •    اردو کی بورڈ لے آؤٹ (Urdu Keyboard Layout)

       •    رسم الخط یعنی فونٹ (Font) کیا ہے؟

       •    یونیکوڈ (Unicode) کیا ہے؟

       •    اردو حروف کی یونیکوڈ قدریں(Unicode Values)

       •    اردو کی بورڈ لے آؤٹ بنانا

 
مکمل کتابچہ پی ڈی ایف فائل میں یہاں سے ڈاؤن لوڈ کر سکتے ہیں۔

کمپیوٹر پر اردو لکھنے اور بہتر انداز میں دیکھنے کے لئے آپ کو تین کام کرنے پڑتے ہیں۔

• اردو کی انسٹالیشن یعنی کمپیوٹر پر اردو کو ایکٹیو کرنا۔
• اردو کی بورڈ لے آؤٹ کی انسٹالیشن۔
• اردو فونٹس کی انسٹالیشن۔

پاک اردو انسٹالر یہی تینوں کام خودبخود کر دیتا ہے۔

اردو کی انسٹالیشن
اردو کی انسٹالیشن یعنی اردو کو کمپیوٹر پر ایکٹیو کریں۔ اس کی سپورٹ ونڈوز میں پہلے سے ہی شامل ہوتی ہے۔ ونڈوز ایکس پی میں یہ عمل آپ کو خود کرنا پڑتا ہے اور اس کے لئے آپ کو ونڈوز ایکس پی کی سی ڈی کی ضرورت پڑتی ہے۔ یہ ایک بہت ہی آسان اور چھوٹا سا مرحلہ ہے۔ اس کی تفصیل کے لئے ”ونڈوز ایکس پی میں اردو کی انسٹالیشن“ والا صفحہ دیکھیں۔ اس کے برعکس ونڈوز سیون اور وسٹا میں اردو پہلے سے ہی ایکٹیو ہوتی ہے اس لئے ونڈوز سیون یا وسٹا میں اس عمل کی ضرورت نہیں پڑتی۔

اردو کی بورڈ لے آؤٹ
اردو کی انسٹالیشن یعنی اردو ایکٹیو کرنے کے بعد کمپیوٹر پر اردو لکھنے کے لئے آپ کو اپنی مرضی کا کی بورڈ لے آؤٹ انسٹال کرنا ہوتا ہے تاکہ آپ اپنی مرضی کے مطابق جس کی Key سے جو لکھنا چاہتے/چاہتی ہیں وہ لکھ سکیں۔ مثال کے طور پر آپ A کی Key سے کیا لکھنا چاہتے/چاہتی ہیں اور B کی Key سے کیا لکھنا چاہتے/چاہتی ہیں۔ اردو کی بورڈ لے آؤٹ کی انسٹالیشن ایک بہت ہی آسان اور چھوٹا سا مرحلہ ہے جس کو انسٹال کرنے کی تفصیل آپ کو ” ونڈوز سیون، ونڈوز وسٹا یا ونڈوز ایکس پی میں اردو کی انسٹالیشن“ والے صفحہ پر ہی پتہ چل جائے گی۔پھر بھی مزید تفصیل درکار ہو تو ”اردو کی بورڈ لے آؤٹ (Urdu Keyboard Layout)“ والا صفحہ دیکھیں۔

اردو فونٹس
جس طرح کمپیوٹر پر باقی لکھائی کے خاص انداز(سٹائل) ہوتے ہیں جنہیں رسم الخط یعنی فونٹس کہتے ہیں جیسے Times New Roman، Arial اور Tahoma وغیرہ وغیرہ اسی طرح اردو لکھائی کو بھی ظاہر کرنے کے مختلف فونٹس ہوتے ہیں جیسے جمیل نوری نستعلیق، نفیس ویب نسخ، علوی لاہوری نستعلیقاور اردو نسخ ایشیا ٹائپ وغیرہ وغیرہ۔ اب آپ اردو لکھائی کو جس انداز میں دیکھنا چاہتے/چاہتی ہیں آپ وہ والے فونٹس اپنے کمپیوٹر پر انسٹال کر لیں۔ یہ بھی ایک بہت آسان اور چھوٹا سا مرحلہ ہے۔ اردو فونٹس کے بارے میں مزید معلومات کے لئے ”رسم الخط یعنی فونٹ(Font) کیا ہے؟“ والا صفحہ دیکھیں۔ اگر آپ کوئی بھی اردو فونٹ انسٹال نہیں کرتے پھر بھی اردو تحریر آپ کو ٹھیک نظر آئے گی لیکن یہ تحریر Times New Roman یا Tahoma وغیرہ فونٹ میں ہو گی جو کہ اردو کے فونٹ نہیں اس لئے بہتر یہی ہوتا ہے کہ آپ اردو تحریر کو بہتر انداز میں دیکھنے کے لئے چند ضروری فونٹس ضرور انسٹال کر لیں۔

عمومی سوالات

• کیا ان تینوں مراحل میں سے ایک بھی کر لیا جائے تو اردو لکھی جا سکتی ہے؟
جواب:- نہیں، یاد رہے یہ تینوں مراحل اپنی جداگانہ حیثیت رکھتے ہیں۔ آپ یوں بھی سمجھ سکتے ہیں کہ پہلے والے دو مراحل یعنی اردو کی انسٹالیشن اور اردو کی بورڈ لے آؤٹ کی انسٹالیشن کے بعد آپ کمپیوٹر پر کسی بھی سافٹ ویئر میں اور انٹرنیٹ پر بآسانی اردو لکھ سکیں گے اور پھر اردو کو بہتر انداز میں دیکھنے کے لئے آپ کو اردو فونٹس کی ضرورت پڑ سکتی ہے۔
عام طور پر کئی دفعہ دیکھا گیا ہے کہ لوگ ان تینوں مراحل میں سے کوئی ایک کر لیتے ہیں خاص طور پر اردو فونٹس انسٹال کر لیتے ہیں اور پھر شکایت کرتے ہیں کہ جناب اردو تو پھر بھی نہیں لکھی جا رہی۔ شاید ان کو سمجھ نہیں آتی یا پھر کوئی انہیں ٹھیک طرح سمجھا نہیں سکتا کہ اردو لکھنے کے لئے یہ تینوں مراحل یا کم از کم پہلے دو مراحل پورے کرنے بہت ضروری ہیں۔ یاد رہے ونڈوز سیون اور ونڈوز وسٹا میں یہ خصوصیت ہے کہ اس میں اردو پہلے سے ہی ایکٹیو ہوئی ہوتی ہے۔ اس لئے ونڈوز سیون اور ونڈوز وسٹا میں آپ کو اردو لکھنے کے لئے صرف دوسرا مرحلہ یعنی ”اردو کی بورڈ لے آؤٹ“ کی ہی انسٹالیشن کرنی پڑتی ہے۔

• میں نے کمپیوٹر پر نہ تو اردو ایکٹیو کی ہے اور نہ ہی کوئی اردو کی بورڈ لے آؤٹ انسٹال کیا ہے لیکن پھر بھی کئی ویب سائیٹ پر میں اردو لکھ سکتا/سکتی ہوں؟
جواب:- جن ویب سائیٹس پر بغیر اردو ایکٹیو کیے اور بغیر اردو کی بورڈ لے آؤٹ انسٹال کئے اردو لکھی جاتی ہے ان ویب سائیٹس پر جس جگہ آپ اردو لکھ سکتے/سکتی ہیں اس ٹیکسٹ ایریا کے پیچھے جاوا سکرپٹ یا کسی بھی طرح کچھ ایسے پروگرامنگ کی جاتی ہے کہ جب آپ کوئی Key دباتے/دباتی ہیں تو انگلش کے حرف کی بجائے اردو کا حرف ظاہر ہو جاتا ہے۔ یہ سب اس پروگرامنگ کا کمال ہوتا ہے جبکہ آپ کے کمپیوٹر پر نہ تو اردو ایکٹیو ہوتی ہے اور نہ ہی کوئی اردو کی بورڈ لے آؤٹ انسٹال ہوا ہوتا ہے۔

• اکثر اردو ویب سائیٹس پر جہاں اردو میں لکھنا ہوتا ہے وہاں اردو ویسے ہی لکھی جاتی ہے تو پھر اپنے کمپیوٹر پر اردو ایکٹیو کرنے کا کیا فائدہ؟
جواب:- انٹرنیٹ پر اردو ویب سائیٹس کے علاوو بھی کئی جگہ پر آپ کو اردو لکھنا پڑ سکتی ہے مثلاً گوگل میں کچھ اردو میں تلاش کرنا پڑ سکتا، فیس بک پر کچھ اردو میں لکھنا پڑ سکتا ہے اس کے علاوہ بھی کئی ایک ویب سائیٹس پر اردو میں لکھنا پڑ سکتا ہے تو پھر آپ کیا کریں گے/گی؟ اس کا سب سے بہتر اور سٹینڈرڈ حل یہی ہے کہ آپ اپنے کمپیوٹر پر اردو کو ایکٹیو کریں اور اپنی مرضی کا اردو کی بورڈ لے آؤٹ انسٹال کریں جو کہ بہت ہی آسان ہے اور پھر آپ جہاں چاہیں جس سافٹ ویئر میں چاہیں آسانی سے اردو لکھیں اور تو اور آپ ای میل اور چیٹ بھی اردو میں کر سکتے/سکتی ہیں۔

• میرے پاس ”اردو کی بورڈ“ نہیں ہے یعنی میرے ”کی بورڈ“ پر اردو کے حروف نہیں لکھے ہوئے تو پھر میں کیسے اردو لکھ سکتا/سکتی ہوں؟
جواب:- پہلی بات یہ کہ آپ کے پاس اگر انگلش یا کسی دوسری زبان کا ”کی بورڈ“ ہے تو پھر بھی آپ اردو لکھ سکتے/سکتی ہیں۔ دوسری اور اہم بات یہ کہ ”کی بورڈ“ ایک ہارڈ ویئر ہے جبکہ ”کی بورڈ لے آؤٹ“ ایک سافٹ ویئر ہوتا ہے جوکہ اردو یا کوئی بھی زبان لکھنے کے لئے استعمال ہوتا ہے۔آپ ونڈوز کا جس زبان کا ورژن انسٹال کرتے ہیں اس کا ”کی بورڈ لے آؤٹ“ ونڈوز کی انسٹالیشن کے دوران ہی خود بخود انسٹال ہو جاتا ہے اور پھر ایکٹیو بھی ہو جاتا ہے۔ لیکن ہمیں ونڈوز کا انگلش یا کسی بھی دوسری زبان کا ورژن استعمال کرتے ہوئے اردو لکھنے کے لئے اردو کا ”کی بورڈ لے آؤٹ“ انسٹال یا کم از کم ایکٹیو کرنا پڑتا ہے۔ اس بارے میں مزید تفصیل دیکھنے کے لئے ”اردو کی بورڈ لے آؤٹ(Urdu Keyboard Layout)“ والا صفحہ دیکھیں۔ یہاں ایک بار پھر بتاتے چلیں کہ ”کی بورڈ“ ایک ہارڈ ویئر ہوتا ہے جبکہ کمپیوٹر پر کوئی بھی زبان لکھنے کے لئے ”کی بورڈ لے آؤٹ“ کی ضرورت ہوتی ہے جو کہ کسی بھی ”کی بورڈ“ ہارڈویئر کے ساتھ کام کر سکتا ہے چاہے اس ”کی بورڈ“ پر انگلش لکھی ہو یا کوئی بھی دوسری زبان۔

• میں نے اپنے کمپیوٹر پر اردو کی انسٹالیشن، کی بورڈ لے آؤٹ کی انسٹالیشن اور اردو فونٹ کی انسٹالیشن یعنی ان تینوں مراحل میں سے کچھ بھی نہیں کیا لیکن پھر بھی میرے کمپیوٹر پر اردو پڑھی جاتی ہے؟
جواب:- اردو تحریر پڑھنے کے لئے آپ کو کچھ کرنے کی ضرورت نہیں ہوتی۔ ونڈوز ایکس پی، ونڈوز وسٹا اور ونڈوز سیون میں یہ خصوصیت شامل ہے کہ اردو تحریر بغیر کچھ کیے ٹھیک پڑھی جا سکتی ہے۔ صرف لکھائی کا انداز بہتر دیکھنے کے لئے آپ کو اردو فونٹس کی ضرورت پڑ سکتی ہے۔ جبکہ اردو لکھنے کے لئے آپ کو پہلے دو مراحل پورے کرنے پڑتے ہیں۔

• میں نے کمپیوٹر پر کوئی اردو فونٹ انسٹال نہیں کیا پھر بھی اردو تحریر مجھے نستعلیق فونٹ میں ہی نظر آتی ہے؟
جواب:- آپ جس اردو تحریر کی بات کر رہے/رہی ہیں وہ کمپیوٹر کی اصل اردو نہیں بلکہ وہ اردو تصویری شکل میں موجود ہے جو کہ ایک بہت پرانا طریقہ ہے اور اب وہ دور نہیں رہا کہ اس پرانے طریقہ پر چلا جائے۔ اس بارے میں مزید تفصیل آپ ”کمپیوٹر کی “اردو” اور “تصویری اردو” میں فرق“ والے صفحہ پر دیکھ سکتے/سکتی ہیں۔

• چند ایک ویب سائیٹ پر کمپیوٹر کی اصل اردو میں ہی تحریر موجود ہے اور وہ نستعلیق میں ہی نظر آتی ہے جبکہ میں نے کوئی نستعلیق فونٹ انسٹال نہیں کیا؟
جواب:- اس کی وجہ یہ ہے بعض ویب سائیٹس پر نستعلیق یا کسی بھی فونٹ کو اس طرح رکھا گیا ہوتا ہے کہ جب آپ اس ویب سائیٹ کو کھولتے/کھولتی ہیں تو وہ فونٹ اس ویب سائیٹ کو کھولنے پر آپ کے کمپیوٹر پر عارضی طور پر انسٹال ہو جاتا ہے اور اردو تحریر آپ کو اسی فونٹ میں نظر آتی ہے اور جب آپ وہ ویب سائیٹ بند کرتے ہیں تو وہ فونٹ بھی آپ کے کمپیوٹر سے ختم ہو جاتا ہے۔

• اگر میرے ذہن میں ”اردو اور کمپیوٹر“ کے متعلق کوئی سوال ہو تو مجھے اس کا جواب کہاں سے ملےگا؟
جواب:- اپنے سوال کے جواب کے لئے آپ urduhelpline[at]gmail[dot]com پر رابطہ کریں۔ اردو ہیلپ لائن والے حتی المقدور آپ کی مدد کریں گے۔ اس کے علاوہ ایک بہترین جگہ اردو محفل ہے جہاں آپ کو اردو کے متعلق بے شمار ذخیرہ ملے گا۔ اردو محفل کا لنک درج ذیل ہے۔
http://www.urduweb.org/mehfil/forum.php

• اردو کی بورڈ لے آؤٹ میں کہاں سے حاصل کر سکتا/سکتی ہوں؟
جواب:- آپ یہاں سے اردو کی بورڈ لے آؤٹ حاصل کر سکتے/سکتی ہیں۔

• اردو فونٹس کہاں سے مل سکتے ہیں؟
جواب:- عام طور پر کمپیوٹر پر استعمال ہونے والے اردو فونٹس آپ کو یہاں سے مل جائیں گے۔

اس کے علاوہ جہانِ قلم ایک ایسی ویب سائیٹ جہاں اردو فونٹس کا بہت بڑا ذخیرہ موجود ہے۔ جہانِ قلم کے لئے درج ذیل لنک دیکھیں۔
http://fonts.alqlm.org

نوٹ:- یہ تحریر 7 فروری 2010 کو شائع کی گئی تھی لیکن اس تحریر کو ”اردو کمپیوٹنگ“ زمرہ میں مناسب جگہ پر رکھنے کے لئے تاریخ تبدیل کی گئی ہے۔

 
         • اردو کی بورڈ لے آؤٹ اور لینگوئج بار کی سیٹنگ کرنا
         • اردو فونٹ انسٹال کرنا

 
         اب ان دونوں کاموں کی تفصیل یعنی یہ کس طرح کرنے ہیں۔

 
اردو کی بورڈ لے آؤٹ اور لینگوئج بار کی سیٹنگ کرنا
سب سے پہلے کوئی بھی اردو کی بورڈ لے آؤٹ (Keyboard Layout) جو آپ کو پسند ہو وہ اپنے کمپیوٹر پر انسٹال (Install) کریں۔

ایک اردو کی بورڈ لے آؤٹ آپ یہاں سے ڈاؤن لوڈ (Download) کر سکتے ہیں۔

عام طور اردو کی بورڈ لے آؤٹ کی انسٹالیشن کے ساتھ ہی ونڈوز سیون میں اردو سپورٹ مکمل طور پر شامل ہو جاتی ہے اور Taskbar پر Language bar نظر آنا شروع ہو جاتی ہے جیسا کہ ذیل کی تصویر میں نظر آ رہی ہے۔

اب آپ کا کمپیوٹر اردو لکھنے کے قابل ہو گیا ہے۔ جس سافٹ ویئر میں اردو لکھنی ہو وہاں پر بائیں طرف کا Alt+Shift دبائیں تو آپ کا کمپیوٹر اُس سافٹ ویئر میں اردو موڈ میں ہو جائے گا یعنی جب بھی کوئیKey دبائیں گے تو اردو لکھی جائے گی۔ اسی طرح کسی سافٹ ویئر کا موڈ انگلش میں تبدیل کرنے کے لئے دوبارہ بائیں طرف کا Alt+Shift دبائیں جس سے دوبارہ انگلش موڈ ہو جائے گا۔ اگر کسی سافٹ ویئر میں دیکھنا ہو کہ آپ کا کمپیوٹر اس سافٹ ویئر میں کس موڈ پر ہے تو ٹاسک بار پر موجود لینگوئج بار دیکھیں۔
اگر اردو موڈ پر ہو تو لینگوئج بار اس طرح ہو گی۔

اگر انگلش موڈ پر ہو تو لینگوئج بار ایسے ہو گی۔

 
ایک کی بورڈ لے آؤٹ ختم کر کے دوسرا شامل کرنا
اپنے انسٹال (Install) کیے ہوئے کی بورڈ لے آؤٹ (Keyboard Layout) کو ختم کر کے کوئی نیا کی بورڈ لے آؤٹ منتخب کرنے یا ایک سے زیادہ کی بورڈ لے آؤٹ کے استعمال کے لئے درج ذیل طریقہ ہے جو آپ کو یہ بتاتا ہے کہ اصل میں کی بورڈ لے آؤٹ اور زبان کی Settings کہاں پر ہیں۔
1:- اپنے کمپیوٹر پر کنٹرول پینل کھولیں جس کے لیے Start پر کلک کریں پھر Control Panel پر کلک کریں۔
2:- Change keyboards or other input methods پر کلک کریں۔

3:- اب Change Keyboards پر کلک کریں۔

4:- نئی ظاہر ہونے والی ونڈو میں Add پر کلک کریں۔

5:- اب نئی ظاہر ہونے والی ونڈو میں آپ نے اپنی زبان اور اُس کے کی بورڈ لے آؤٹ کا انتخاب کرنا ہے۔ اس ونڈو میں زبانوں کی فہرست ہے جس میں نیچے جائیں گے تو ایک جگہ Urdu (Islamic Republic of Pakistan) لکھا ہو گا، اسے کھولیں اور پھر اس کی ذیلی فہرست میں Keyboard کو کھولیں، Keyboard کی ذیلی فہرست میں آپ کا انسٹال کردہ کی بورڈ لے آؤٹ اور ساتھ ونڈوز وسٹا کا خودساختہ کی بورڈ لے آؤٹ ظاہر ہوں گے۔ اس میں آپ جو کی بورڈ لے آؤٹ چاہیں منتخب کر لیں۔ یہاں پر آپ ایک سے زیادہ کی بورڈ لے آؤٹ بھی منتخب کر سکتے ہیں۔
یہاں ایک بات یاد رکھیں کہ Keyboard کی ذیلی فہرست میں اپنا انسٹال کئے ہوئے اردو کی بورڈ لے آؤٹ کی بجائے اگر آپ Urdu کو منتخب کر دیتے ہیں جو کہ ونڈوز وسٹا کا خود ساختہ اردو کی بورڈ لے آؤٹ ہے تو جب آپ ”a“ کیKey دبائیں گے تو ”م“ لکھا جائے گا اسی طرح ”b“ سے ”ش“ لکھا جائے گا جو کہ عام طور پر اردو لکھنے والے استعمال نہیں کرتے بلکہ ”a“ سے ”الف“ اور ”b“ سے ”ب“ لکھنا پسند کرتے ہیں۔ یعنی انگلش حروف کی آواز کے مطابق اردو کے حروف۔ اس لئے بہتر ہے کہ Keyboard کی ذیلی فہرست میں صرف اپنا نصب کردہ کی بورڈ لے آؤٹ ہی منتخب کیا جائے۔ جیسا کہ ذیل کی تصویر میں دیکھایا گیا ہے۔

7:- اب OK پھر OK اور پھر OK کرنے کے بعد کنٹرول پینل کو بند کر دیں۔
اب آپ نے جو تبدیلیاں کی ہیں وہ محفوظ ہو چکی ہیں۔ زبان کی تبدیلی کے لئے بائیں طرف کا Alt+Shift دبائیں یا پھر لینگوئج بار سے بھی زبان تبدیل کی جا سکتی ہے۔

 
لینگوئج بار کی سیٹنگ کرنا
اگر کسی وجہ سے ٹاسک بار پر لینگوئج بار نظر نہ آ رہی ہو یا لینگوئج بار میں دیگر کوئی تبدیلی کرنی ہو تو
Start —> Control Panel —> Change keyboards or other input methods —> Change Keyboards
پر جائیں اور پھر Language Bar والی ٹیب پر کلک کریں گے تو نیچے والی تصویر جیسی ونڈو سامنے آ جائے گی۔

یہاں پر Docked in the taskbar کے ریڈیو بٹن کو منتخب کریں اور پھر OK کر دیں۔ یوں ٹاسک بار پر لینگوئج بار نظر آنا شروع ہو جائے گی۔ اسی طرح اگر ٹاسک بار سے لینگوئج بار ختم کرنا چاہتے ہوں تو Hidden کے ریڈیو بٹن کو منتخب کریں اور OK کر دیں۔ یوں لینگوئج بار غائب ہو جائے گی۔

 
اردو فونٹ انسٹال کرنا
اپنی مرضی کے اردو فونٹ ڈاؤن لوڈ کریں۔ اردو کے چند ضروری فونٹ آپ یہاں سے بھی ڈاؤن لوڈ کر سکتے ہیں۔
عام طور پر ڈاؤن لوڈ کیے گئے فونٹ کمپیریس/ذپ ہوئے ہوتے ہیں۔ فونٹ انسٹال کرنے سے پہلے انہیں ان ذپ کر کے Copy کر لیں۔ اب کنٹرول پینل میں جائیں اور وہاں پر Fonts کے فولڈر میں اپنی مرضی کے فونٹ Paste کر دیں۔ یوں تمام پیسٹ کردہ فونٹ انسٹال ہو جائیں گے۔ فونٹ چاہے اردو کا ہو یا دیگر کسی زبان کا ونڈوز استعمال کرتے ہوئے فونٹ ایسے ہی انسٹال کیا جاتا ہے۔
اس کے علاوہ یہاں پر موجود فونٹ انسٹالر بھی استعمال کیا جا سکتا ہے جو خود بخود اردو کے ضروری فونٹ انسٹال کر دیتا ہے۔

 
نوٹ:- یہ تحریر 7 جولائی 2010 کو شائع کی گئی تھی لیکن اس تحریر کو ”اردو اور کمپیوٹر“ زمرہ میں مناسب جگہ پر رکھنے کے لئے تاریخ تبدیل کی گئی ہے۔

 
         اب ان دونوں کاموں کی تفصیل یعنی یہ کس طرح کرنے ہیں۔

 
اردو کی بورڈ لے آؤٹ اور لینگوئج بار کی سیٹنگ کرنا
سب سے پہلے کوئی بھی اردو کی بورڈ لے آؤٹ (Keyboard Layout) جو آپ کو پسند ہو وہ اپنے کمپیوٹر پر انسٹال (Install) کریں۔

ایک اردو کی بورڈ لے آؤٹ آپ یہاں سے ڈاؤن لوڈ (Download) کر سکتے ہیں۔

عام طور اردو کی بورڈ لے آؤٹ کی انسٹالیشن کے ساتھ ہی ونڈوز وسٹا میں اردو سپورٹ مکمل طور پر شامل ہو جاتی ہے اور Taskbar پر Language bar نظر آنا شروع ہو جاتی ہے جیسا کہ ذیل کی تصویر میں نظر آ رہی ہے۔

اب آپ کا کمپیوٹر اردو لکھنے کے قابل ہو گیا ہے۔ جس سافٹ ویئر میں اردو لکھنی ہو وہاں پر بائیں طرف کا Alt+Shift دبائیں تو آپ کا کمپیوٹر اُس سافٹ ویئر میں اردو موڈ میں ہو جائے گا یعنی جب بھی کوئیKey دبائیں گے تو اردو لکھی جائے گی۔ اسی طرح کسی سافٹ ویئر کا موڈ انگلش میں تبدیل کرنے کے لئے دوبارہ بائیں طرف کا Alt+Shift دبائیں جس سے دوبارہ انگلش موڈ ہو جائے گا۔ اگر کسی سافٹ ویئر میں دیکھنا ہو کہ آپ کا کمپیوٹر اس سافٹ ویئر میں کس موڈ پر ہے تو ٹاسک بار پر موجود لینگوئج بار دیکھیں۔

اگر انگریزی موڈ پر ہو تو لینگوئج بار ایسے ہو گی

 
ایک کی بورڈ لے آؤٹ ختم کر کے دوسرا شامل کرنا
اپنے انسٹال (Install) کیے ہوئے کی بورڈ لے آؤٹ (Keyboard Layout) کو ختم کر کے کوئی نیا کی بورڈ لے آؤٹ منتخب کرنے یا ایک سے زیادہ کی بورڈ لے آؤٹ کے استعمال کے لئے درج ذیل طریقہ ہے جو آپ کو یہ بتاتا ہے کہ اصل میں کی بورڈ لے آؤٹ اور زبان کی Settings کہاں پر ہیں۔
1:- اپنے کمپیوٹر پر کنٹرول پینل کھولیں جس کے لیے Start پر کلک کریں پھر Control Panel پر کلک کریں۔ کنٹرول پینل کھلنے کے بعد اگر کنٹرول پینل میں صرف دس (10) کے قریب I-Con نظر آرہے ہیں تو یہControl Panel Home پر ہے پہلے اسے Classic View پر کر لیں یعنی بائیں طرف اوپر کی جانب لکھے ہوئے Classic View پر کلک کریں۔ اب I-Con کی تعداد زیادہ ہو گئی ہو گی۔

2:- Regional and Language Options پر کلک کریں۔
3:- نئی ظاہر ہونے والی ونڈو میں Keyboard and Languages پر کلک کریں۔

4:- اب Change Keyboards پر کلک کریں۔
5:- نئی ظاہر ہونے والی ونڈو میں Add پر کلک کریں۔

6:- اب نئی ظاہر ہونے والی ونڈو میں آپ نے اپنی زبان اور اُس کے کی بورڈ لے آؤٹ کا انتخاب کرنا ہے۔ اس ونڈو میں زبانوں کی فہرست ہے جس میں نیچے جائیں گے تو ایک جگہ Urdu (Islamic Republic of Pakistan) لکھا ہو گا، اسے کھولیں اور پھر اس کی ذیلی فہرست میں Keyboard کو کھولیں، Keyboard کی ذیلی فہرست میں آپ کا انسٹال کردہ کی بورڈ لے آؤٹ اور ساتھ ونڈوز وسٹا کا خودساختہ کی بورڈ لے آؤٹ ظاہر ہوں گے۔ اس میں آپ جو کی بورڈ لے آؤٹ چاہیں منتخب کر لیں۔ یہاں پر آپ ایک سے زیادہ کی بورڈ لے آؤٹ بھی منتخب کر سکتے ہیں۔
یہاں ایک بات یاد رکھیں کہ Keyboard کی ذیلی فہرست میں اپنا انسٹال کئے ہوئے اردو کی بورڈ لے آؤٹ کی بجائے اگر آپ Urdu کو منتخب کر دیتے ہیں جو کہ ونڈوز وسٹا کا خود ساختہ اردو کی بورڈ لے آؤٹ ہے تو جب آپ ”a“ کیKey دبائیں گے تو ”م“ لکھا جائے گا اسی طرح ”b“ سے ”ش“ لکھا جائے گا جو کہ عام طور پر اردو لکھنے والے استعمال نہیں کرتے بلکہ ”a“ سے ”الف“ اور ”b“ سے ”ب“ لکھنا پسند کرتے ہیں۔ یعنی انگلش حروف کی آواز کے مطابق اردو کے حروف۔ اس لئے بہتر ہے کہ Keyboard کی ذیلی فہرست میں صرف اپنا نصب کردہ کی بورڈ لے آؤٹ ہی منتخب کیا جائے۔ جیسا کہ ذیل کی تصویر میں دیکھایا گیا ہے۔

7:- اب OK پھر OK اور پھر OK کرنے کے بعد کنٹرول پینل کو بند کر دیں۔
اب آپ نے جو تبدیلیاں کی ہیں وہ محفوظ ہو چکی ہیں۔ زبان کی تبدیلی کے لئے بائیں طرف کا Alt+Shift دبائیں یا پھر لینگوئج بار سے بھی زبان تبدیل کی جا سکتی ہے۔

 
لینگوئج بار کی سیٹنگ کرنا
اگر کسی وجہ سے ٹاسک بار پر لینگوئج بار نظر نہ آ رہی ہو یا لینگوئج بار میں دیگر کوئی تبدیلی کرنی ہو تو
Start —> Control Panel —> Regional and Language Options —> Keyboard and Languages —> Change Keyboards
پر جائیں اور پھر Language Bar والی ٹیب پر کلک کریں گے تو نیچے والی تصویر جیسی ونڈو سامنے آ جائے گی۔

یہاں پر Docked in the taskbar کے ریڈیو بٹن کو منتخب کریں اور پھر OK کر دیں۔ یوں ٹاسک بار پر لینگوئج بار نظر آنا شروع ہو جائے گی۔ اسی طرح اگر ٹاسک بار سے لینگوئج بار ختم کرنا چاہتے ہوں تو Hidden کے ریڈیو بٹن کو منتخب کریں اور OK کر دیں۔ یوں لینگوئج بار غائب ہو جائے گی۔

 
اردو فونٹ انسٹال کرنا
اپنی مرضی کے اردو فونٹ ڈاؤن لوڈ کریں۔ اردو کے چند ضروری فونٹ آپ یہاں سے بھی ڈاؤن لوڈ کر سکتے ہیں۔
عام طور پر ڈاؤن لوڈ کیے گئے فونٹ کمپیریس/ذپ ہوئے ہوتے ہیں۔ فونٹ انسٹال کرنے سے پہلے انہیں ان ذپ کر کے Copy کر لیں۔ اب کنٹرول پینل میں جائیں اور وہاں پر Fonts کے فولڈر میں اپنی مرضی کے فونٹ Paste کر دیں۔ یوں تمام پیسٹ کردہ فونٹ انسٹال ہو جائیں گے۔ فونٹ چاہے اردو کا ہو یا دیگر کسی زبان کا ونڈوز استعمال کرتے ہوئے فونٹ ایسے ہی انسٹال کیا جاتا ہے۔
اس کے علاوہ یہاں پر موجود فونٹ انسٹالر بھی استعمال کیا جا سکتا ہے جو خود بخود اردو کے ضروری فونٹ انسٹال کر دیتا ہے۔

 
         اب ان تینوں کاموں کی تفصیل یعنی یہ کس طرح کرنے ہیں۔

 
ونڈوز ایکس پی میں اردو ایکٹیو کرنا
1:- اپنے کمپیوٹر پر کنٹرول پینل کھولیں جس کے لیے Start پر کلک کریں پھر Control Panel پر کلک کریں۔ کنٹرول پینل کھلنے کے بعد اگر کنٹرول پینل میں صرف دس (10) کے قریب I-Con نظر آرہے ہیں تو یہ Category View پر ہے پہلے اسے Classic View پر کر لیں یعنی بائیں طرف اوپر کی جانب لکھے ہوئے Switch to Classic View پر کلک کریں۔ اب I-Con کی تعداد زیادہ ہو گئی ہو گی۔

2:- Regional and Language Options پر کلک کریں۔
3:- نئی ظاہر ہونے والی ونڈو میں Languages پر کلک کریں۔

4:- Install files for complex script and right-to-left languages (including Thai) کے چیک باکس کو منتخب کر دیں۔
5:- OK کرنے کے بعد Apply کر کے ونڈوز ایکس پی کی سی ڈی کمپیوٹر کے C.D Rom میں ڈالیں۔ اب چند سیکنڈ کے لئے انتظار کریں کیونکہ چند فائلز کمپیوٹر میں کاپی ہو رہی ہیں۔ کاپی ہونے کے بعد ایک پیغام ظاہر ہو گا جس کا مطلب ہے کہ کیا آپ کمپیوٹر کو ری سٹارٹ کرنا چاہتے ہیں تو اسے Yes کر دیں اور کمپیوٹر کو ری سٹارٹ ہونے دیں۔
آپ کے کمپیوٹر پر اردو ایکٹیو ہو چکی ہے۔ اب دوسرا مرحلہ شروع ہوتا ہے جس میں اردو کی بورڈ لے آؤٹ انسٹال کرنا ہوتا ہے۔

 
اردو کی بورڈ لے آؤٹ اور لینگوئج بار کی سیٹنگ کرنا
کوئی بھی اردو کی بورڈ لے آؤٹ (Keyboard Layout) جو آپ کو پسند ہو وہ اپنے کمپیوٹر پر انسٹال (Install) کریں۔ ایک اردو کی بورڈ لے آؤٹ آپ یہاں سے ڈاؤن لوڈ (Download) کر سکتے ہیں۔
عام طور پر اردو کی بورڈ لے آؤٹ کی انسٹالیشن کے بعد ونڈوز ایکس پی میں اردو کی مکمل سپورٹ شامل ہو جاتی ہے اور Taskbar پر Language bar نظر آنا شروع ہو جاتی ہے جیسا کہ ذیل کی تصویر میں نظر آ رہی ہے۔

اب آپ کا کمپیوٹر اردو لکھنے کے قابل ہو گیا ہے۔ جس سافٹ ویئر میں اردو لکھنی ہو وہاں پر بائیں طرف کا Alt+Shift دبائیں تو آپ کا کمپیوٹر اُس سافٹ ویئر میں اردو موڈ میں ہو جائے گا یعنی جب بھی کوئیKey دبائیں گے تو اردو لکھی جائے گی۔ اسی طرح کسی سافٹ ویئر کا موڈ انگلش میں تبدیل کرنے کے لئے دوبارہ بائیں طرف کا Alt+Shift دبائیں جس سے دوبارہ انگلش موڈ ہو جائے گا۔ اگر کسی سافٹ ویئر میں دیکھنا ہو کہ آپ کا کمپیوٹر اس سافٹ ویئر میں کس موڈ پر ہے تو ٹاسک بار پر موجود لینگوئج بار دیکھیں۔

اگر انگریزی موڈ پر ہو تو لینگوئج بار ایسے ہو گی

 
کی بورڈ لے آؤٹ ختم اور شامل کرنا
کوئی نیا کی بورڈ لے آؤٹ شامل کرنے یا پہلے سے شامل کیے ہوئے کی بورڈ لے آؤٹ کو ختم کرنے کے لئے درج ذیل طریقہ دیکھیں۔
Start —> Control Panel —> Regional and Language Options —>Languages
پر جائیں گے تو نیچے والی تصویر جیسی ونڈو کھلے گی۔

Details پر کلک کریں۔ اب اگر آپ پہلے سے انسٹال اردو کی بورڈ لے آؤٹ کو ختم کرنا چاہتے ہیں تو اس کی بورڈ لے آؤٹ کو منتخب کر کے Remove پر کلک کر دیں۔ یہاں ایک بات یاد رکھیں کہ ونڈوز کا انگلش زبان کے لئے پہلے سے موجود کی بورڈ لے آؤٹ جو عام طور پر English(United States) ہے اسے ہرگز Remove نہ کریں کیونکہ یہی کی بورڈ لے آؤٹ آپ انگلش لکھنے کے لئے استعمال کرتے ہیں۔
نئے کی بورڈ لے آؤٹ کو منتخب کرنے کے لئے Add پر کلک کریں۔

Input Language والی فہرست میں Urdu کو منتخب کریں اور Keyboard layout / IME والی فہرست میں اپنے انسٹال کئے ہوئے اردو کی بورڈ لے آؤٹ کو منتخب کریں۔ پھر OK پر کلک کریں۔

یہاں ایک بات یاد رکھیں کہ Keyboard layout /IME والی فہرست میں اپنا انسٹال کیے ہوئے اردو کی بورڈ لے آؤٹ کی بجائے اگر آپ Urdu کو منتخب کر دیتے ہیں جو کہ ونڈوز ایکس پی کا خود ساختہ اردو کی بورڈ لے آؤٹ ہے تو جب آپ ”a“ کیKey دبائیں گے تو ”م“ لکھا جائے گا اسی طرح ”b“ سے ”ش“ لکھا جائے گا جو کہ عام طور پر اردو لکھنے والے استعمال نہیں کرتے بلکہ ”a“ سے ”الف“ اور ”b“ سے ”ب“ لکھنا پسند کرتے ہیں۔ یعنی انگلش حروف کی آواز کے مطابق اردو کے حروف۔اس لئے بہتر ہے کہ اپنا انسٹال کیا ہوا اردو کی بورڈ لے آؤٹ ہی منتخب کریں۔
مزید ایک بات یاد رکھیں کہ Input Language والی فہرست میں Urdu کو ہی منتخب کرنا ہے جبکہ اردو کی بورڈ لے آؤٹ کا معاملہ Keyboard layout / IME والی فہرست میں ہے۔
8:- اب OK اور پھر OK کرنے کے بعد کنٹرول پینل کو بند کر دیں۔
اب آپ نے جو تبدیلیاں کی ہیں وہ محفوظ ہو چکی ہیں۔ زبان کی تبدیلی کے لئے بائیں طرف کا Alt+Shift دبائیں یا پھر لینگوئج بار سے بھی زبان تبدیل کی جا سکتی ہے۔

 
لینگوئج بار کی سیٹنگ کرنا
اگر کسی وجہ سے ٹاسک بار پر لینگوئج بار نظر نہ آ رہی ہو یا لینگوئج بار میں دیگر کوئی تبدیلی کرنی ہو تو
Start —> Control Panel —> Regional and Language Options —>Languages —>Details
پر جائیں گے تو نیچے والی تصویر جیسی ونڈو نظر آئے گی۔

Language Bar… کے بٹن پر کلک کریں۔
یہاں یاد رہے کہ یہ بٹن تب کام کرتا ہے جب کمپیوٹر کی مرکزی زبان کے ساتھ ساتھ دوسری کسی زبان کا کی بورڈ لے آؤٹ بھی شامل کیا گیا ہو۔ اگر مرکزی زبان کے ساتھ کسی دوسری زبان جیسے اردو کی بورڈ لے آؤٹ بھی شامل ہو لیکن پھر بھی یہ بٹن کام نہ کر رہا ہو تو اس کا مطلب ہے کہ رجسٹری میں کوئی گڑبڑ ہو چکی ہے۔ Language Bar… بٹن کو کام کرنے کے قابل بنانے کے لئے رجسٹری میں تبدیلی کرنی پڑتی ہے لیکن ایک ٹپ سے بھی یہ کام ہو جاتا ہے۔ ٹپ یہ کہ عارضی طور پر کسی بھی زبان کا کوئی بھی کی بورڈ لے آؤٹ Add کا بٹن دبا کر شامل کریں اور Apply کا بٹن دبا دیں۔ اس سے Language Bar… کا بٹن کام کرنا شروع ہو جائے گا اور رجسٹری میں جو خرابی تھی وہ بھی ٹھیک ہو جائے گی۔ جب Language Bar… کا بٹن کام کرنا شروع کر دے تو پھر بے شک عارضی طور پر شامل کردہ کی بورڈ لے آؤٹ ختم کر دیں۔
Language Bar… کا بٹن دبانے کے بعد ایک نئی ونڈو کھلے گی جس میں Show the Language bar on the desktop کے چیک باکس کو منتخب کرنے کے بعد OK کا بٹن دبا دیں۔

یوں ٹاسک بار پر لینگوئج بار نظر آنا شروع ہو جائے گی۔

 
اردو فونٹ انسٹال کرنا
اپنی مرضی کے اردو فونٹ ڈاؤن لوڈ کریں۔ اردو کے چند ضروری فونٹ آپ یہاں سے بھی ڈاؤن لوڈ کر سکتے ہیں۔
عام طور پر ڈاؤن لوڈ کیے گئے فونٹ کمپیریس/ذپ ہوئے ہوتے ہیں۔ فونٹ انسٹال کرنے سے پہلے انہیں ان ذپ کر کے Copy کر لیں۔ اب کنٹرول پینل میں جائیں اور وہاں پر Fonts کے فولڈر میں اپنی مرضی کے فونٹ Paste کر دیں۔ یوں تمام پیسٹ کردہ فونٹ انسٹال ہو جائیں گے۔ فونٹ چاہے اردو کا ہو یا دیگر کسی زبان کا ونڈوز استعمال کرتے ہوئے فونٹ ایسے ہی انسٹال کیا جاتا ہے۔
اس کے علاوہ یہاں پر موجود فونٹ انسٹالر بھی استعمال کیا جا سکتا ہے جو خود بخود اردو کے ضروری فونٹ انسٹال کر دیتا ہے۔