اقتباس» افتخار اجمل بھوپال نے لکھا: دورِ حاضر میں جو فتنہ برپا ہے اس کی بنیاد منفی سوچ ہے جو کہ صرف اَن پڑھوں میں نہیں پڑھے لکھوں میں بھی پائی جاتی ہے ۔ دین کہتا ہے کہ کوئی کلمہ پڑھ لے تو پھر جب تک ثابت نہ ہو جائے اسے مسلمان ہی سمجھنا چاہیئے ۔ قانون کہتا ہے کہ جب تک جُرم ثابت نہ ہو جائے تب تک کسی کو مُجرم نہیں کہا جا سکتا لیکن عمل اس کے برعکس ہو رہا ہے اور دنیا تباہی کی طرف بہت تیزی سے بڑھ رہی ہے

انکل اجمل آپ نے بالکل ٹھیک فرمایا کہ دورِ حاضر میں جو فتنہ برپا ہے اس کی بنیاد منفی سوچ ہی ہے اور یہ بیماری صرف ان پڑھوں میں ہی نہیں بلکہ پڑھے لکھوں میں بھی۔ اس پر ہم یوں کہہ سکتے ہیں کہ یہ ہماری اکثریت میں ہے۔۔۔

اقتباس» عین لام میم نے لکھا: السلام علیکم
آپ کے بلاگ پہ پہلے بھی آنا جانا ہے لیکن تبصرہ شاید پہلا ہی ہے۔ آپ کا بلاگ واقعی قابلِ تعریف ہے۔جہاں تک جدید ٹیکنالوجی اور سوچ کی بات ہے تو میں آپ کی بات سے مکمل اتفاق کرتا ہوں۔ اچھے پہلوؤں کو زیادہ ترجیح دینی چاہئے تا کہ دوسری طرف خیال ہی نہ جا سکے۔ آنا جانا جاری رہے گا انشاء اللہ۔
ولسلام

عین لام میم صاحب بلاگ پر آنے اور تبصرہ کرنے کا بہت شکریہ۔
اللہ تعالیٰ آپ کو بے شمار خوشیاں دے۔۔۔آمین

اقتباس» راسخ كشميری نے لکھا: بلال بھائی! آپ‌نے‌مجھے‌پہلے‌بھی یہ تھیم ارسال کی تھی۔ اب تو پہلے‌سے‌کافی بدلی ہوئی ہے۔‌ہے‌نا؟ کیا آپ مجھے‌یہ تھیم ارسال کرسکتے‌ہیں؟ اور ساتھ‌میں جو اردو کے‌پلگ انز بھی ہیں وہ بھی بھیج دیجئے‌گا۔ نیز کیا آپ مجھے اس بات کی اجازت دیں گے‌کہ میں‌اس میں‌رد وبدل کرسکوں؟ ویسے‌تو میں نے‌جو تھیم خریدی ہے‌اور آپ نے‌مسلم لیگ ن کے بلاگ پر دیکھی ہے‌وہ بھی استعمال کرنا چاہتا ہوں۔ لیکن مجھے‌یہ بھی بیحد پسند آئی ہے‌کہ اس میں‌نستعلیق بہت ہی دلچسپ‌لگ‌رہی ہے۔ اور ساتھ جو بائیں طرف تصویریں ہیں وہ بھی ساتھ ہی بھیج دیں۔۔۔ آپ کا بہت شکریہ۔

راسخ بھائی یقینا مجھے یہ تھیم دیتے ہوئے کوئی مسئلہ نہیں بلکہ خوشی ہو گی۔ باقی میں آپ کو یہ تھیم اور متعلقہ پلگ انز اور دیگر تصاویر ای میل کرتا ہوں۔ باقی جناب آپ کو اجازت ہی اجازت ہے جیسے چاہے جتنی چاہے تبدیلی کریں۔۔۔

اقتباس» راشد کامران نے لکھا: میں آپ کی بات سے مکمل متفق ہوں اور میرا ذاتی خیال بھی یہی ہے کہ کسی چیز کا استعمال مثبت اور منفی ہوسکتا ہے مطلقا کسی چیز کو مسلسل منفی یا مثبت کہنا درست سوچ نہیں‌ اور اس کے نتائج خاص کر ٹیکنالوجی کے اس دور میں اچھے نہیں نکلتے۔

راشد کامران بھائی میں بھی آپ کی بات سے مکمل اتفاق کرتا ہوں۔

اقتباس» جعفر نے لکھا: علم دشمن رویہ اس کی سب سے بڑی وجہ ہے
اگر آپ تھوڑا سے تاریخ سے درک رکھتے ہوں تو آپ کے علم میں‌ہوگا کہ برصغیر میں‌ ہر نئی چیز کی اسی طرح مزاحمت کی گئی تھی،شاید یہ اس خطے کے لوگوں کے جینز میں‌ہے۔۔۔۔

جعفر بھائی میں بھی کچھ ایسا ہی ظاہر کرنے کی کوشش کر رہا ہوں کہ آخر ہم ہر جدید ٹیکنالوجی کو آتے ہی غلط کیوں کہتے ہیں؟ جب کہ اچھائی یا برائی ہماری سوچ میں ہوتی ہے۔